• دكتورة صفاء أبو العزم
  • 00966543230555
  • 00966570354947
  • 00201100663776

أكزيما ربات البيوت

2019-07-28

Latest Posts

جلسات البلازما PRP


أكزيما ربات البيوت


السلام عليكم ورحمة الله وبركاته ازيكم عاملين ايه .. يارب تكونوا بخير وفى أحسن حال .. كل سنة وانتم طيبين .. رمضان كريم علينا جميعا .. يارب اللى بتتمنى حاجة إن شاء الله تتحقق ويكتبلكم التوفيق يارب العالمين .. طبعا شهر رمضان معروف بالعزومات واللمة الحلوة .. وبنقضى وقت كبير بين اوانى الطبخ وأدوات التنضيف .. وبننسى أكزيما ربات البيوت .. يعنى ايه بقى أكزيما ربات البيوت ؟؟؟ أسئلة كتير بتجيلى : أنا ايدى خشنة بالرغم من استعمالى لمراهم ومرطبات .. صوابع ايدى بتتقشر .. فى تشققات فى ايدى وبحس بألم وكإن نار فى ايدى .. كل دى اعراض لإكزيما ربات البيوت .. وده بيكون التهاب جلدي بينتج عنه احمرار فى الجلد وحكة سببها الماء .. لما الجلد بيتعرض للماء وبنجففه أكتر من مرة فى اليوم بيكون عامل مهم لحدوث الاكزيما . وكمان عندنا أدوات التنضيف زى الكلور والصابون : ودى بتكون مهيجة للجلد . أول حاجة قبل ما هنتكلم عن العلاج : الوقاية خير من العلاج . يبقى لازم نتجنب المواد الكيميائية أو مواد التنضيف عموما .. لأن ده أهم عامل فى حدوث الاكزيما . نتجنبها ازاى بقى ؟؟ تلبسى قفازات طبية بتكون من جوه مبطنة ومصنوعة من القطن .. وفى قفازات مصنوعة من الجلد الطبيعى . بلاش القفازات المطاطية لأنها مش هتمنع حدوث الأكزيما . هنستعمل المرطبات .. خصوصا بعد ما تخلصى اعمال البيت والمطبخ . فى علاجات وكريمات بنكتبها حسب الحالة .. ودى بتكون فى الغالب بتحتوى على كورتيزون ودى لازم تكون تحت إشراف طبيبة جلدية . اى استفسار فى اى وقت تحت امركم يا حلوين .. وكل عام وانتم بكل خير .